ფასების ზრდა, ისევე როგორც ნებისმიერ სხვა სექტორში, ავიაციაშიც აღინიშნება. ექსპერტებზე დაყრდნობით Travel Weekly-ი ავრცელებს ინფორმაციას, რომ ავიაბილეთების ფასები ზრდას კვლავ განაგრძობს.
ტარიფები მაღალი მოთხოვნისა და დაბალი მიწოდების/გამტარუნარიანობის გამო იმატებს. ზრდა ასევე დაფიქსირდა ავიაგადამზიდავების საბაზო ხარჯებზეც. მიუხედავად იმისა, რომ ნავთობის ფასებმა მნიშვნელოვნად დაიწია, საოპერაციო ხარჯები წელს 8,1%-ით გაიზრდება.
დღეს საავიაციო საწვავი 2,5-ჯერ ძვირია, ვიდრე 20 წლის წინ იყო. საუდის არაბეთი, რომელიც მსოფლიოში ნავთობის უმსხვილესი მწარმოებელია, ნავთობის ფასების ბარელზე მინიმუმ 80 დოლარამდე შენარჩუნებას ისახავს მიზნად. IATA-ს შეფასებით, 2023 წელს ავიაკომპანიის ხარჯების 28%-ი საწვავზე მოდის, რაც 2022 წელთან შედარებით 30%-იანი ვარდნაა, თუმცა ეს მაინც აღემატება 2019 წლის მაჩვენებლებს.
აღსანიშნავია, რომ საქართველოს ავიაბაზარზე არსებული დაბალბიუჯეტიანი ავიაკომპანია Wizz Air -ი კვლავ ინარჩუნებს ევროპის ულტრა-ბიუჯეტური ავიაკომპანის სტატუსს.
