რამდენს ხარჯავენ უცხოელი სტუდენტები საქართველოში?

2023/24 სასწავლო წლებში საქართველოში 31 ათასი უცხოელი სტუდენტი სწავლობს. აქედან, 23 ათასი კერძო, ხოლო, 8 ათასი სტუდენტი სახელმწიფო უნივერსიტეტში.

Galt&Taggart-ის განათლების სექტორის კვლევის მიხედვით, უცხოელი სტუდენტების უმრავლესობა (85%) ამჟამად ჯანდაცვის პროგრამებზე სწავლობს. კვლევითი ორგანიზაციის მოლოდინით, მათი რიცხვი უფრო მეტად გაიზრდება მას შემდეგ, რაც ბაკალავრიატი 3 წლიანი გახდება.

განათლებაში გადახდილი გადასახადების გარდა, საკმაოდ დიდია უცხოელი სტუდენტების გაწეული
საყოფაცხოვრებო ხარჯებიც. სტატისტიკა აჩვენებს, რომ მიმდინარე წლის 2 თვეში სტუდენტებმა მეტი დახარჯეს, ვიდრე გასული წლების 12 თვეში.

უცხოელი სტუდენტების დანახარჯები საქართველოში ბოლო 5 წლის განმავლობაში ასე გამოიყურება:

1. 2020 წელი – სულ 358 მლნ ლარი; (განათლების დანახარჯი -217, სხვა ხარჯები – 141).
2. 2021 წელი – სულ 435 მლნ ლარი; (განათლების დანახარჯი – 259, სხვა ხარჯები – 176).
3. 2022 წელი – სულ 532 მლნ ლარი; (განათლების დანახარჯი – 310, სხვა ხარჯები – 222).
4. 2023 წელი – სულ 660 მლნ ლარი; (განათლების დანახარჯი – 366, სხვა ხარჯები – 293).
5. 2024 წელი 824 მლნ ლარი; (განათლების დანახარჯი – 452, სხვა ხარჯები – 371).
სტუდენტების 52.1% ინდოეთიდანაა, 8.7% იორდანიიდან, ხოლო 5.5% ისრაელიდან.